米雪做衰人,皆因佢係靚

理論上人是愛美的,但現實生活又不是這麼簡單︰

例如溏心風暴之家好月圓,米雪明明靚過司棋姐,點解唔係米雪飾演荷媽呢?

又例如中學時,校花校草都非常靚仔靚女,但最多人追的,反而是那些小可愛、小白臉?

而更奇怪的是,這種偏愛平庸的喜好伸延開去,竟然發展成社會的「逐臭現象」、「反智現象」。

例如農夫的C君會考考近30分,但收埋唔敢給觀眾知,因為怕人罵。

又例如藝人林峰屋企有錢,但細個要扮窮,搭巴士返學。

還有火影忍者的鳴門本來是主角,但最受歡迎角色卻是「入魔」的佐助。

當然,八卦雜誌也是靠爆醜聞才會升書,而讚下欣宜怎樣努力、鄺美雲養狗有幾專業…SORRY,咁正面的新聞,對銷路好負面囉!

三句不離本行,出版社出書之難可見一斑︰

大家明明有道德界線、有企業責任,都想為年青人為下一代講多些正面的事,但明刀明槍的說教,這種書不會有人買,公司好快執笠。

設計上明明做到美侖美奐、極盡專業,但最好賣的書是小背心寫真同高木直子FEEL的單線公仔繪本。

這個世界不是做得好便夠,要在「好」與「好賣」之間找一個照顧全面的平衡點。這個點很難找,有時很富經驗的編輯都會搞錯,正如程菲都會失手,高比仔入樽都會炒粉。

BY編K

廣告