三聯撤出蘭桂坊

轉載自9月11日蘋果日報

貴租難頂,《南早》北移,三聯甚至要拉閘。中環德己立街地庫三聯蘭桂坊店,今個月26號光榮結業,唔少中環人知道後都大嘆可惜,因為平日食晏時間,或者放工後冇乜節目,都會落去打書釘,三聯一去,頓感空虛。

呢間三聯書店位置就腳,唔少官員、議員都有幫襯,同中建大廈HMV係政界人士補充「精神食糧」倉庫,民主黨主席何俊仁係三聯常客,三聯經理 陳 小姐話不時見到仁哥。呢間三聯結業前大減價,據講劈價至2折起,26號晚會有歡送會,歡迎書蟲參加。

03年沙士,中環租金低殘,三聯先有機會進駐老蘭,依家勁加租,惟有撤退,據講舖位由時裝店頂上,不過三聯未失守中環,位於中環街市側邊域多利皇后街 大本營如常營業,大家第日打書釘要行多兩步。

廣告